Sot pritet të zhvillohet protesta e 30-të kundër qeverisë në Tiranë, ndërsa organizatorët kanë ftuar qytetarë nga e gjithë Shqipëria, si edhe shqiptarët që jetojnë jashtë vendit, që të marrin pjesë në tubim.
Mbledhja e protestuesve do të nisë në orën 19:00 në Sheshin “Skënderbej”. Më pas, turma do të marshojë drejt Kryeministrisë, ku pritet të qëndrohet për të artikuluar kërkesat e protestës.
Në qendër të kërkesave mbetet dorëheqja e kryeministrit Edi Rama.
Organizatorët kanë bërë të ditur se aksionet protestuese do të vazhdojnë deri në plotësimin e kësaj kërkese, duke e cilësuar këtë si protestën e 30-të radhazi, që përkon me një muaj që nga nisja e tubimeve.
