Detaje të reja zbardhen lidhur me ngjarjen që u regjistrua sot në repartin e dializës në spitalin e Korçës, ku një pacient 65-vjeçar, i identifikuar si Kujtim Mero hyri brenda ambienteve të këtij shërbimi me një bidon benzinë duke kërcënuar se do t’i vinte flakën vetes dhe repartit.
Për fat të mirë ngjarja u parandalua pa shënuar dëme materiale apo pasoja në njerëz.
Grupi hetimor sqaron se 65 vjeçari, Kujtim Mero, është problematik dhe herë pas here ka patur momente konflikti me stafin mjekësor.
Gjithashtu bëhet e ditur se në ngjarjen e sotme ai ka nisur të konfliktohet me mjekët brenda repartit dhe më pas ka nxjerr shishen e benzinës në formë kërcënimi se do të digjte veten dhe ambientin e repartit.
Stafi mjekësor gjatë kësaj kohe ka bërë të mundur komunikimin me policinë, e cila mbërriti menjëherë në vendin e ngjarjes.
Në momentin që ka mbërritur patrulla e policisë ai me shishen e benzinës ka kërcënuar edhe policinë, por kjo e fundit ka mundur të ndërhyjë në kohë dhe ka bërë gjithashtu shoqërimin e tij në ambientet e komisariatit të Korçës.
Burime nga qendra e hemiodializes bëjnë të ditur se Kujtim Mero ka nisur konfliktin me stafin, pasi ky i fundit i ka thënë që duhet të ulet në një pajisje tjetër për të vijuar me procedurën pasi pajisja e tij ka qenë e dëmtuar.
Kaq ka mjaftuar që Mero të niste debatin me stafin mjekësor. Duhet thënë se prej afro 1 javë ai refuzonte të kryente dializën për këtë çështje
