VNA ka siguruar foton e automjetit tip BMV që u përdor nga autorët e atentatit me 3 viktima në Memaliaj.
Sipas hetuesve toga e ekzekutorëve veproi në 6 minuta duke vrarë Shyqyri Kalemin, kamarierin dhe një klient të lokalit në zemër të Memaliaj, ndërsa u plagos Artur Kalemi.
Atentati u bë në lokalin që është në pronësi të fisit Kalemi në qytet.
Policia dyshon se motivi i ngjarjes makabër është saga e hakmarrjes që vijon prej kohësh mes familjeve Sadikaj-Kalemaj me atë Papa.
Zanafilla është që nga ekzekutimi mafioz i Aleksandër Sadikaj në qershor të 2022 tek rrethrrotullimi i TEG, teksa në makinën e tij shpërtheu një sasi e madhe tritoli.
Në shenjë hakmarrje për vrasjen e Sadikaj u ekzekutua në Tiranë, Edmond Papa. Aleksandër Sadikaj është nip në familjen Kalemi në Memaliaj.
Pas vrasjes së Edmond Papës, u bënë disa atentate ndaj pjesëtarëve të familjes Kalemi. Fillimisht në një ishull në Greqi iu bë atentat Andrea alias Adriatik Kalemit. Ai mundi ti mbijetojë atentatit.
Më pas u tentua të vritej në burg, ndërsa sa fundmi në Tiranë u tentua të vritej Zamir Kalemi vëllai i Adriatik Kalemit.
