Më datë 3 korrik në Gjykatën e Lezhës do të shqyrtohet kërkesa e Mustafa Martinaj për shpalljen si person i zhdukur të djalit të tij, Ervis Martinaj. Mbreti i kumarit është zhdukur pa gjurmë prej 9 gushtit 2022 dhe pavarësisht hetimeve fati i tij vijon të mbetet mister.
Sipas ligjit, për një person kërkohet shpallja si i zhdukur kur kanë kaluar më shumë se dy vjet dhe nuk ka asnjë të dhënë për vendndodhjen e tij. Ervis Martinaj rezulton i zhdukur pa gjurmë prej 4 vitesh. Familjarët denoncuan në polici dhe ngritën dyshime se është rrëmbyer e vrarë.
Para se mbreti i kumarit të zhdukej kushëriri i tij Brilant Martinaj dhe dy miqtë e tij u ekzekutuan në një atentat mafioz. Po ashtu në atentate mafioze ishin ekzekutuar më herët miqtë e ngushtë të Martinajt.
