Pas nisjes së hetimit lidhur me plagosjen e protestuesit Erjon Vishkulli me plumb gome në sy, një grup oficerësh zbarkuan në sheshin Skënderbej dhe bënë sekuestrimin e gëzhojave, ndërsa sekuestruan kamerat e sigurisë që fokusuan momentin kur ai u godit.
Gjithashtu, hetuesit kanë sekuestruar kartelën mjekësore të 28-vjeçarit në Spitalin e Traumës, ku ai iu nënshtrua një ndërhyrjeje pas plagosjes. Ndërsa më pas u transferua drejt një spitali në Romë, ku iu nënshtrua një tjetër operacioni.
Përmes një letërporosie, prokuroria u ka kërkuar autoriteteve në Itali kartelën mjekësore dhe plumbin e gomës që do t’i hiqet nga syri. Po ashtu, është bërë këqyrja e armatimit të Forcave të Ndërhyrjes së Shpejtë.
Vishkulli është një emër i njohur për tifozët e futbollit shqiptar. Ai është pjesë e përfaqësisë së grupimit “Tifozat Kuq e Zi” dhe prej vitesh ndjek Kombëtaren shqiptare, duke qenë një nga figurat aktive të tribunave kuqezi.
