Protesta e studentëve dhe pedagogëve para Ministrisë së Arsimit në Tiranë është përshkallëzuar këtë të martë, pas ndërhyrjes së forcave të policisë me ujë me presion dhe gaz lotsjellës për të shpërndarë turmën.
Tubimi, i cili nisi si një protestë paqësore kundër qeverisë, është shoqëruar me tensione në momentin kur efektivët ndërhynë me autobotë dhe gaz lotsjellës ndaj pjesëmarrësve.
Veprimet e policisë kanë shkaktuar irritim mes protestuesve, duke sjellë edhe përplasje me forcat e rendit. Në këto momente, disa pedagoge kanë ndërhyrë për të mbrojtur studentët nga ndërhyrja policore.
Studentët dhe pedagogët janë mbledhur përpara Ministrisë së Arsimit, ku kanë lëshuar thirrje kundër qeverisë dhe kryeministrit Edi Rama, duke kërkuar dorëheqjen e tij.
