Jurgis Cyrbja ish-deputet socialist i qarkut Durrës është thirrur për tu paraqitur sërish sot në SPAK. Ndryshe nga herën e parë prokurorët e posacëm e kanë njoftuar që të jetë I shoqeruar nga një avokat. Cka do të thotë se Cyrbja nuk do të jetë më si person në dijeni për të dhënë shpjegime, por ai person nën hetim. VNA ka mësuar se Cyrbjas do ti komunikohet akuza e shpërdorimit të detyrës lidhur me 4 praktika të pronave në Durrës kur ai drejtonte zyrën vendore të regjistrimit të pasurive të paluajtshme.
Cyrbja më herët është hetuar edhe në dosjen Shullazi pasi rezultoi me komunikime ne atë kohë me njërin prej anëtarëve të grupit. Por ndryshe nga 2018 kur socialistet e mbrojtën me zell tashmë ngjan se e detyruan të dorëzojë mandatin e deputetit pak muaj para zgjedhjeve parlamentare të 2025.
Pavaresisht ndikimit në zonë që Cyrbja ka, sipas burimeve janë të tjerë eksponentë që janë tashmë më pranë Edi Ramës dhe që dominojnë qarkun e Durrësit ndaj Jurgis Cyrbja nuk shihej nga kryeministri si faktor përcaktues në zonën e tij e për këtë shkak është tashmë larg Kuvendit.
