Reperi i njohur Arkimed Lushaj, i njohur si Stresi, ka vendosur të “krijojë rregullat e tij” në rrugë. Pas incidentit të bujshëm me një TikTok-er në Kosovë, Stresi ka kaluar në një tjetër nivel: ngarjen e makinës në kahun e kundërt të trafikut.
Në një video të publikuar nga vetë reperi, ai shihet duke sfiduar me vendosmëri të gjitha rregullat e qarkullimit rrugor, teksa shmang dhjetëra mjete të bllokuara në trafik. Për ta bërë akoma më epike skenën, ai i bën shenjë shoferëve të tjerë që t’i hapin rrugën.
“Me mua nuk ekziston trafiku,” deklaron ai me krenari në rrjetet sociale, duke lënë të kuptohet se edhe graviteti, ndoshta, mund të jetë i diskutueshëm për të.
Mbase rregullorja e qarkullimit rrugor duhet të shtojë një përjashtim: kur ke muzikën lart dhe vetëbesimin e Stresit, rregullat janë thjesht për të tjerët!
