Muaji shkurt sjell një përzgjedhje të pasur serialesh televizive, nga rikthimi i shumëpritur i një sitkomi legjendar spitalor, te trillerë erotikë, mistere kriminale dhe një histori dashurie që ka ndarë opinionin publik. Ja cilat janë serialet që nuk duhen humbur këtë muaj.
1. Vanished
Ky triller romantik merr frymëzim nga filmi klasik i Alfred Hitchcock The Lady Vanishes. Kaley Cuoco dhe Sam Claflin interpretojnë një çift të dashuruar që udhëton me tren nga Parisi drejt jugut të Francës. Por gjithçka ndryshon kur gruaja zgjohet dhe zbulon se partneri i saj është zhdukur pa lënë gjurmë. Teksa përpiqet ta gjejë, ajo zbulon se ai ka një jetë të fshehtë dhe ndodhet në rrezik vdekjeprurës.
Premierë: 1 shkurt (MGM+, SHBA) | 27 shkurt (Prime Video, MB)
2. The ’Burbs
Një komedi-horror e frymëzuar nga filmi kult i vitit 1989. Keke Palmer dhe Jack Whitehall luajnë një çift të ri që shpërngulet në periferi, në një lagje që e quan veten “më e sigurta në Amerikë”. Por një shtëpi e braktisur dhe fqinjë të çuditshëm ngrenë dyshime për sekrete të errëta.
Premierë: 8 shkurt (Peacock, SHBA)
3. How to Get to Heaven from Belfast
Nga krijuesja e Derry Girls, Lisa McGee, vjen një triller komedik që nis me një vdekje misterioze. Tre mike udhëtojnë drejt Belfastit pas lajmit për vdekjen e një shoqeje të vjetër, por zbulojnë se trupi në arkivol nuk është i saj. Një histori miqësie, humori dhe misteri.
Premierë: 12 shkurt (Netflix)
4. Dark Winds – Sezoni 4
Seriali kriminal i vlerësuar nga kritika rikthehet me një sezon të ri, duke ndjekur hetimet e policisë fisnore Navajo në vitet ’70. Një vajzë e zhdukur, një vrasëse hakmarrëse dhe drama personale e protagonistit e bëjnë sezonin edhe më të errët dhe emocional.
Premierë: 15 shkurt (AMC / AMC+, SHBA)
5. 56 Days
Një triller erotik i mbushur me mister dhe dhunë. Dy të rinj nisin një lidhje pasionante, por 56 ditë më vonë, një trup i dekompozuar gjendet në apartamentin e tyre. Seriali lëviz mes së shkuarës dhe hetimit policor për të zbuluar të vërtetën.
Producent: James Wan.
Premierë: shkurt (platforma në varësi të rajonit)
6. Paradise – Sezoni 2
Sterling K. Brown rikthehet në një botë post-apokaliptike. Pas një holokausti bërthamor, ai del nga qyteti nëntokësor për të kërkuar bashkëshorten e tij, që mund të jetë ende gjallë. Seriali ndërthur politikën, misterin dhe dramën njerëzore.
Premierë: 23 shkurt (Hulu, SHBA | Disney+, MB)
7. The Fall and Rise of Reggie Dinkins
Një sitkom në format dokumentari me Tracy Morgan dhe Daniel Radcliffe. Një ish-yll i NFL përpiqet të rikthejë reputacionin e tij pas një skandali, duke punësuar një regjisor të dështuar dokumentarësh. Një komedi me humor inteligjent nga krijuesit e 30 Rock.
Premierë: 23 shkurt (NBC) | 24 shkurt (Peacock, SHBA)
8. Scrubs (Rikthimi)
Pas 16 vitesh, Scrubs rikthehet. Zach Braff, Donald Faison dhe pjesa më e madhe e kastit origjinal kthehen në Sacred Heart Hospital, tashmë në moshë të mesme, por me të njëjtin humor dhe miqësi ikonike.
Premierë: 25 shkurt (ABC) | 26 shkurt (Hulu, SHBA)
9.Love Story: John F Kennedy Jr & Carolyn Bessette
Miniseria e re e Ryan Murphy trajton historinë e dashurisë dhe martesës së John F. Kennedy Jr dhe Carolyn Bessette, që përfundoi tragjikisht në vitin 1999. Seriali ka shkaktuar polemika, me akuza për shfrytëzim të historisë familjare Kennedy.
Premierë: 12 shkurt (FX & Hulu, SHBA) | 13 shkurt (Disney+, MB)
