Kryeministri i Izraelit, Benjamin Netanyahu, dhe qeveria e tij votuan njëzëri të hënën për shkarkimin e Prokurores së Përgjithshme Gali Baharav-Miara, e cila po e ndjek atë penalisht për korrupsion.
Ky vendim vjen pas disa muajsh deklaratash publike nga ministrat e kabinetit, të cilët kishin shprehur qëllimin për ta larguar Baharav-Miarën nga detyra, për shkak të përplasjeve të saj të vazhdueshme me koalicionin qeverisës lidhur me reformën në sistemin gjyqësor. Baharav-Miara po mbikëqyr tre çështje penale ndaj Netanyahut, ku ai akuzohet për ryshfet, mashtrim dhe shkelje të besimit.
Megjithatë, shkarkimi i saj është ndalur përkohësisht nga Gjykata e Lartë, e cila ka vendosur të shqyrtojë ligjshmërinë e këtij vendimi.
Kritikët e Netanyahut pretendojnë se ai po e zvarrit qëllimisht luftën në Gaza, në mënyrë që të shmangë përgjegjësinë dhe pasojat që mund të sjellin proceset gjyqësore ndaj tij.
