Valter Lame është gjetur i mbytur nga polumbarët e RENEA-s, pasditen e së premtes në rezervuarin e Kamenicës në Korçë. 54-vjeçari ishte shpallur i zhdukur nga familjarët prej disa ditësh, ndërsa kërkimet për gjetjen e tij nisën pasditen e së premtes.
Polumbarët e Reneas kanë realizuar operacione kërkimi në rezervuarin e fshatit Kamenicë, ku kanë arritur të gjejnë trupin e pajetë të 54-vjeçarit.
Pas një shqyrtimi paraprak, nga analiza e trupit nuk janë konstatuar shenja dhune, dhe hetuesit dyshojnë se viktima mund të ketë humbur jetën nga mbytja në rezervuar.
Njoftimi i policisë:
Në lidhje me njoftimin e dhënë më datën 28.01.2025, për largimin nga banesa të shtetasit V. L., 54 vjeç, banues në Kamenicë, i cili edhe pas kërkimeve nga familjarët dhe Policia nuk u gjet ju informojmë se:
Ditën e sotme Polumbarët e Reneas, kanë kryer kërkime në rezervuarin e fshatit Kamenicë, ku kanë bërë të mundur gjetjen dhe nxjerrjen e trupit të pajetë të shtetasit V.L, nga rezervuari i fshatit Kamenicë.
Nga këqyrja paraprake e trupit nuk janë konstatuar shenja dhune dhe dyshohet se ky shtetas mund të jetë vetëmbytur në rezervuar.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
