Prokuroria e Posaçme Kundër Korrupsionit dhe Krimit të Organizuar ka zhvilluar kontrolle në ambientet e Bashkisë së Tiranës, si pjesë e veprimeve hetimore në kuadër të dosjes së njohur si “Veliaj 2”.
Sipas burimeve, hetuesit e SPAK kanë kryer kontrolle dhe kanë sekuestruar dokumente në institucionin e Bashkisë së Tiranës. Mes materialeve të marra gjatë operacionit mësohet se janë edhe dokumente që lidhen me udhëtimet zyrtare të kryebashkiakut Erion Veliaj, si dhe praktika të lidhura me dietat.
Burime pranë hetimit bëjnë me dije se dokumentacioni është kërkuar për t’u administruar si pjesë e procedurës hetimore, ndërsa materialet e sekuestruara pritet të analizohen nga organi i akuzës në vijim.
Kontrollet në Bashkinë e Tiranës janë zhvilluar në kuadër të hetimeve për çështjen “Veliaj 2”, ndërsa SPAK vijon veprimet hetimore për zbardhjen e rrethanave të kësaj dosjeje.
