Asimetria dhe polarizimi ekstrem në menaxhimin e burimeve njerëzore po paralizojnë efiçencën e pushtetit vendor në Shqipëri. Të dhënat e plota zyrtare të pasqyruara në buxhetin faktit 2025, dorëzuar në Kuvend, konfirmojnë se nga 42,164 vende pune gjithsej në strukturat vendore, aktualisht janë të punësuar 39,910 persona, duke lënë saktësisht 2,254 vende vakante.
Shifrat e reja dëshmojnë ekzistencën e "gulliverëve" administrativë që thithin pjesën dërrmuese të fondeve për paga dhe bashkive pothuajse fantazmë që nuk kanë as stafin minimal për të kryer shërbimet bazë.
22 % e gjithë tortës së punonjësve lokalë e ka kryeqyteti.
Në krye të listës së plotë qëndron pa asnjë lloj konkurrence Bashkia Tiranë me 8,646 punonjës, e ndjekur nga Durrësi me 1,901, Kamza me 1,573, Fieri me 1,570 dhe Elbasani me 1,421.
Kjo mbingarkesë në qendrat kryesore urbane nxjerr në pah fenomenin e organigramave të fryra për arsye që shpesh tejkalojnë nevojat thjesht teknike apo operative të qytetit.
Në skajin tjetër të spektrit administrativ, të dhënat e dokumentit tregojnë një realitet alarmant për bashkitë e vogla. Bashkia Libohovë kryeson për nga numri më i ulët me vetëm 85 punonjës, e pasuar nga Pusteci me 92, Konispoli me 140, Dropulli me 168 dhe Delvina me 180.
Me më pak se 100-150 punonjës në total (ku përfshihet jo vetëm administrata e ngushtë, por edhe punëtorët e pastrimit, gjelbërimit dhe terrenit), këto njësi konsiderohen me "organigrama të dobëta" ose anemike. Problemi kryesor është se këto bashki vuajnë nga mungesa kritike e kapaciteteve. Ato shpesh nuk kanë as specialistë mjedisi, inxhinierë urbanistë apo zyra të mirëfillta të menaxhimit të projekteve. Ky deficit bën që ato të dështojnë në aplikimin për fonde të huaja (si ato të BE-së) dhe t'i lërë ato tërësisht të paralizuara dhe të varura nga mëshira e transfertave të pushtetit qendror.
Tabela e plotë
Bashkia Tiranë 8,646
Bashkia Pogradec 793
Bashkia Durrës 1,901
Bashkia Berat 780
Bashkia Kamëz 1,573
Bashkia Kukës 724
Bashkia Fier 1,570
Bashkia Kavajë 712
Bashkia Elbasan 1,421
Bashkia Gjirokastër 623
Bashkia Vlorë 1,364
Bashkia Maliq 606
Bashkia Korçë 1,136
Bashkia Krujë 567
Bashkia Lushnje 1,011
Bashkia Kurbin 515
Bashkia Shkodër 1,010
Bashkia Mat 506
Bashkia Dibër 883
Bashkia Divjakë 473
Bashkia Lezhë 814
Bashkia Malesi e Madhe 459
Bashkia Mirditë 457
Bashkia Roskovec 395
Bashkia Sarandë 454
Bashkia Gramsh 387
Bashkia Librazhd 444
Bashkia Kuçovë 386
Bashkia Vorë 432
Bashkia Patos 371
Bashkia Vau-Dejës 428
Bashkia Skrapar 352
Bashkia Devoll 425
Bashkia Tropojë 352
Bashkia Bulqizë 416
Bashkia Shijak 343
Bashkia Mallakastër 406
Bashkia Pukë 321
Bashkia Përrenjas 321
Bashkia Përmet 315
Bashkia Rogozhinë 310
Bashkia Rrogozhinë 310
Bashkia Dimal 307
Bashkia Peqin 304
Bashkia Fushë-Arrëz 303
Bashkia Has 293
Bashkia Poliçan 267
Bashkia Selenicë 265
Bashkia Memaliaj 243
Bashkia Tepelenë 239
Bashkia Belsh 236
Bashkia Çerrik 231
Bashkia Klos 251
Bashkia Kolonjë 251
Bashkia Finiq 202
Bashkia Këlcyrë 190
Bashkia Delvinë 180
Bashkia Dropull 168
Bashkia Konispol 140
Bashkia Pustec 92
Bashkia Libohovë 85
