Jurgis Cyrbja dorëzon mandatin e deputetit.
Lajmi konfirmohet për VNA nga burime pranë Kuvendit, ku Cyrbja, deputet i qarkut Durrës, ka paraqitur edhe kërkesën për lënien e mandatit. Sipas burimeve, ai e motivon largimin nga Parlamenti me arsye shëndetësore.
Lënia e mandatit vjen disa ditë pas pyetjes së Cyrbjas në SPAK, lidhur me një kallëzim të Edi Palokës së PD-së për abuzim me detyrën gjatë kohës kur ai drejtonte Hipotekën e Durrësit. Deri në këto momente, Cyrbja nuk ka bërë asnjë reagim për çështjen e lënies së mandatit. Ai largohet nga Kuvendi pak muaj para zgjedhjeve të reja parlamentare të vitit 2025, çka do të thotë se nuk do të jetë në listat e kandidatëve të maxhorancës.
