Pas 16 vitesh martesë, aktorja Jessica Alba dhe producenti Cash Warren kanë vendosur të ndahen. Mediat amerikane raportojnë se çifti hollivudian ka marrë vendimin për t’i dhënë fund lidhjes së tyre, duke surprizuar publikun dhe fansat.
Jessica, 43 vjeç, është parë së fundmi në daljet publike pa unazën e martesës, një detaj që ka shtuar dyshimet mbi statusin e tyre.
Edhe pse nuk dihen ende arsyet e ndarjes, burime pranë çiftit kanë sugjeruar se kohët e fundit kanë pasur probleme në marrëdhënien e tyre.
Çifti ka tre fëmijë: Honor Marie, 16 vjeç, Haven Garner, 13 vjeç, dhe Hayes Alba, 7 vjeç, të cilët kanë qenë gjithmonë pjesë e momenteve të lumtura familjare të dokumentuara nga dyshja.
Ende nuk ka një deklaratë zyrtare nga Jessica Alba apo Cash Warren, por ndarja e tyre shënon fundin e një prej martesave më jetëgjata dhe të admirueshme të Hollywood-it.
