Në Kosovë, politikani dhe ish-deputeti Gani Geci është ndaluar për 48 orë, nën dyshimin se ka kanosur gazetarin Lirim Mehmetaj. Nuk ka mjaftuar statusi i tij politik për ta shmangur marrjen në pyetje dhe vendimin e prokurorit për ndalim.
Në Shqipëri, ku gazetarët janë kërcënuar edhe nga njerëz me pushtet, reagimi i drejtësisë nuk ka qenë gjithmonë kaq i shpejtë. Kërcënimet shpesh janë trajtuar si përplasje personale, ndërsa politikanët kanë vazhduar të japin leksione për lirinë e medias.
Gani Geci është ende i dyshuar dhe ndalimi nuk nënkupton fajësi. Por Kosova sot jep një shembull se si institucionet mund të reagojnë edhe kur përballë një gazetari është një politikan.
Në Shqipëri, për fat të keq, shpesh është gazetari ai që duhet të japë shpjegime pse ndihet i kërcënuar, jo politikani që e kërcënon.
