Shqipëria u rendit në vendin e 13-të në Eurovision me 145 pikë gjithsej, ndërsa vendin e parë e siguroi Bulgaria me këngën “Bangaranga”, interpretuar nga Dara.
Përfaqësuesi shqiptar, Alis, u ngjit në skenën e Vjenës me baladën “Nân”, duke dhuruar një performancë emocionale së bashku me aktoren e njohur Rajmonda Bulku. Interpretimi u vlerësua gjerësisht nga publiku dhe fansat e Eurovisionit.
Shqipëria mori 60 pikë nga juritë profesionale dhe 85 pikë nga publiku. Vlerësimi maksimal prej 12 pikësh erdhi nga Portugalia, ndërsa Mali i Zi dha 10 pikë. Pikë të tjera erdhën nga Kroacia, Qipro, Malta, Azerbajxhani, San Marino, Belgjika, Izraeli dhe Greqia.
Bullgaria fitoi edicionin e këtij viti të Eurovision Song Contest 2026 me këngëtaren Dara dhe këngën “Bangaranga”, duke grumbulluar 516 pikë nga juritë dhe publiku. Kjo është fitorja e parë e Bullgarisë në historinë e Eurovisionit. Në vend të dytë u rendit Izraeli, ndërsa Rumania përfundoi e treta.
Finalja e zhvilluar në Vienna u shoqërua edhe me polemika dhe protesta lidhur me pjesëmarrjen e Izraelit për shkak të luftës në Gaza. Megjithatë, performanca izraelite arriti të siguronte vendin e dytë në garë.
Sipas BBC-së, performanca energjike dhe koreografia e veçantë e Darës, e frymëzuar nga tradita bullgare “Kukeri”, ishin faktorët kryesorë që e çuan Bullgarinë drejt triumfit historik.
