Një tjetër vendim i Gjykatës së Strasburgut që lidhet me prokurorin Albert Kuliçi ka zbuluar probleme në sistemin e drejtësisë në vend.
Gjatë shqyrtimit të rastit, Gjykata Evropiane e të Drejtave të Njeriut ka konstatuar shkelje të Nenit 6/1 të Konventës sa i përket të drejtës për qasje në gjykatë.
Mosmarrëveshja e ka origjinën në procedurën e rekrutimit të zhvilluar nga Këshilli i Lartë i Prokurorisë në vitin 2020 për pozicionin e Drejtuesit të Prokurorisë pranë Gjykatës së Rrethit Gjyqësor Vlorë.
Prokurori Albert Kuliçi, që nuk mundi ta fitonte postin, kërkoi shqyrtimin gjyqësor të procesit të vlerësimit dhe renditjes përfundimtare. Ai ngriti pretendimet mbi përmbushjen e kritereve ligjore dhe metodologjinë e pikëzimit nga ana e KLP-së.
Gjykata Administrative e Apelit, e mbështetur më pas nga Gjykata e Lartë dhe Gjykata Kushtetuese, e rrëzoi padinë kryesisht e Albert Kuliçit, duke vlerësuar se kërkuesi nuk gëzonte legjitimim procedural për të kundërshtuar vlerësimin e bërë për një kandidat tjetër dhe se procesi hynte në diskrecionin administrativ të KLP-së.
GJEDNJ-ja, në vendimin e saj, thekson se mospërfshirja e meritës së ankesave në shqyrtim gjyqësor e ka cenuar në thelb të drejtën e qasjes në gjykatë.
Ky vendim i Strasburgut ndikon në të ardhmen për karrierën e magjistratëve. Si dhe përfshirë garën për Prokurorin e Përgjithshëm, pasi përforcon sigurinë juridike dhe garantuar se çdo etapë e vlerësimit mbetet e hapur ndaj kontrollit gjyqësor në mbrojtje të meritokracisë dhe besimit publik te sistemi i drejtësisë.
