Presidenti, Donald Trump, ka emëruar ambasadorin e ri të SHBA në Serbi, Mark Brnovich. Në postimin e tij në rrjetin social X, Trump shprehet se Mark është një bir refugjatësh që u larguan nga komunizmi dhe se do të jetë avokat i fortë për lirinë.
“Jam i kënaqur të njoftoj se Mark Brnovich do të jetë Ambasadori i ardhshëm i Shteteve të Bashkuara në Serbi. Mark është një Veteran krenar i Gardës Kombëtare të Ushtrisë dhe ka shërbyer më parë si Prokuror i Përgjithshëm i Shtetit të Arizonës. Si bir refugjatësh që u larguan nga komunizmi, Mark do të jetë një avokat i fortë për Lirinë dhe gjithmonë do të vendosë AMERIKËN NË REND TË PARË. Urime, Mark!” – shkruan Trump.
Mark Brnovich është një avokat dhe politikan amerikan që ka shërbyer si Prokuror i Përgjithshëm i Arizonës nga viti 2015 deri në 2023. I lindur në Detroit, Michigan, në vitin 1966, ai është djali i prindërve serbë që emigruan nga ish-Jugosllavia për t’i shpëtuar komunizmit.
Brnovich u diplomua në Shkencat Politike në Universitetin Shtetëror të Arizonës dhe mori diplomën Juris Doctor nga Universiteti i San Diegos. Gjatë karrierës së tij, ai ka shërbyer si avokat në Ushtrinë Kombëtare të Gardës, asistent prokuror i Shteteve të Bashkuara për Distriktin e Arizonës dhe drejtor i Departamentit të Lojërave të Arizonës.
Në vitin 2021, Brnovich kandidoi për nominimin republikan për Senatin e SHBA-së, por nuk pati sukses. Aktualisht, ai është emëruar si Ambasador i Shteteve të Bashkuara në Serbi.
