Policia ka shoqëruar të paktën pesë persona në kuadër të hetimeve për atentatin e ndodhur një ditë më parë në zonën e Rinasit, ku u vra me breshëri plumbash Gilmando Dani dhe u plagos agjenti i AMP-së, Muça Shaljani.
Bëhet me dije se hetimet janë përqendruar në identifikimin e autorëve, ndërsa grupet hetimore po analizojnë pamjet e kamerave të sigurisë në zonë për të zbuluar lëvizjet para dhe pas ngjarjes.
Sipas të dhënave paraprake, autorët e dyshuar u larguan menjëherë pas atentatit në drejtim të Fushë-Krujës. Në fshatin Halilaj të Krujës, policia gjeti të martën një automjet të djegur, që dyshohet se është përdorur nga autorët për t’u larguar nga vendngjarja.
