15-vjeçari i cili u plagos dy ditë më parë me thikë në Durrës, po lufton për jetën. Ai mbërriti në spital me plagë në zonën e zemrës dhe iu nënshtrua menjëherë një ndërhyrjeje kirurgjikale.
Sherri mes adoleshentëve që çoi në ngjarjen e rëndë, dyshohet se ka nisur për një koment të bërë në rrjetet sociale.
Mjeku kirurg Fitim Shini, në një prononcim për mediat, bëri me dije se 15-vjeçari ndodhet në reanimacion, i intubuar, dhe gjendja e tij shëndetësore vazhdon të mbetet e rëndë.
