Sekretari i Përgjithshëm i Partisë Demokratike, Flamur Noka, dhe gazetari Klevin Muka u përplasën mbrëmjen e së enjtes gjatë një debati në emisionin “Prime” në News24. Debati u tensionua pasi Muka shprehu kritika ndaj Partisë Demokratike, ndërsa Noka po komentonte zhvillimet e fundit politike.
Në një moment, Muka i kërkoi Nokës të mos e ngrinte zërin. “Të lutem, zërin mos ma ço, se jemi edhe afër. Kujdes”, i tha gazetari. “Ta çoj zërin që të çudis. Po të kallëzoj unë ty, kam çuar 5 deputetë në Rrjoll”, iu përgjigj Noka.
“Hiqe dorën”, dëgjohet të thotë Muka, teksa të dy kapen nga duart. Moderatorja Nisida Tufa ndërhyri dhe kërkoi qetësi në studio.
Pas pushimit publicitar, si Noka, ashtu edhe Muka kërkuan ndjesë për incidentin.
Burimi / BalkanWeb
