Këshilli Studentor i Fakultetit të Teknologjisë së Informacionit (FTI) pranë Universitetit Politeknik të Tiranës ka publikuar vendimin zyrtar, në lidhje me ecurinë e protestave studentore dhe situatën e krijuar pas ngjarjeve të datës 13 tetor 2026.
Në dokument theksohet se dhuna e ushtruar ndaj studentëve, e shoqëruar me mosmbajtjen e përgjegjësive ligjore nga strukturat e Policisë së Shtetit, nuk ka qenë proporcionale. Këshilli Studentor bën thirrje për ndërgjegje, arsye dhe dinjitet, duke mos u sjellë "syqorrazi" ndaj çdo dinamike publike, por duke mbështetur çdo student të lënduar përmes mekanizmave institucionalë dhe senatorëve të klasave.
Pikat kryesore të vendimit:
* Vazhdimi i bojkotit: Bojkoti i mësimit në Fakultetin e Teknologjisë së Informacionit do të vijojë deri në një vendim të dytë, së bashku me pjesëmarrjen në protestën studentore si formë institucionale.
* Universiteti si vatër reflektimi: Kthimi i Universitetit gjatë kësaj jave në një ambient organizimi, shkëmbimi idesh dhe një vatër reflektimi mbi krizën aktuale në Shqipëri.
* Garancia për studentët: Instrumenti i bojkotit është konsultuar me pedagogët dhe sigurohet se nuk do të pasohet me asnjë masë dëmtuese për studentët, por do të menaxhohet në forma lehtësuese për ta.
Vendimi mban datën 31 tetor 2026 dhe është firmosur nga Kryetari i Këshillit Studentor, Mateo Yskollari.
