Zjarret që kanë përfshirë zonat e Çerkovicës dhe Dhivrit në Bashkinë Finiq vijojnë të jenë aktive, ndërsa strukturat shtetërore po punojnë për të frenuar përhapjen e flakëve.
Sipas Ministrisë së Mbrojtjes, në operacion janë përfshirë ekipet zjarrfikëse, Forcat e Armatosura, Policia e Shtetit, si dhe ndërhyrja nga ajri.
Ekipet zjarrfikëse po punojnë për të ndaluar përhapjen e zjarrit dhe për të garantuar sigurinë e banorëve. Gjithashtu, është bërë i mundur evakuimi i përkohshëm i disa banorëve që ndodheshin brenda perimetrit të rrezikut.
Zjarri në Bashkinë Finiq është një nga disa vatrat aktive në vend, ndërsa temperaturat e larta dhe erërat e forta po e vështirësojnë ndërhyrjen në terren, duke rritur rrezikun për përhapje të mëtejshme.
