Kryetari i bashkisë së Kolonjës, Erion Isai është paraqitur sot në SPAK. Isai është marrë i pandehur nga SPAK, pasi dyshohet se së bashku me vartës të tij kanë favorizuar një kompani në tenderin për rrugën Korcë-Ersekë.
Gjatë dy viteve të fundit, Isai është paraqitur disa herë në SPAK ku ka dhënë shpjegime lidhur me procedurat e ndjekura në disa tendera. Sipas prokurorisë, ai dyshohet se bashkë me punonjës të tjerë të bashkisë kanë favorizuar operatorë ekonomikë të caktuar gjatë procedurave të tenderave.
