Ervis Lami, i shpallur në kërkim për gjobëvënie ndaj Saimir Sinës dhe në momentin kur ai se pagoi gjobën i shkatërruan lokalin me eksploziv, rezulton se një prej emrave më të njohur në botës së krimit në vend.
Si anëtar të grupit të tij kriminal janë arrestuar kushëriri i tij, Jeton Lami, ish-oficeri i Operacionales, shoqërues i Ervis Martinaj në arrati para se të zhdukje pa gjurmë, si dhe Florin Domi e Flogert Mezhika.
Ervis Lami, 31 vjec, është në kërkim për vrasjen e Lulzim Vishën, postier. Grupi i tij kriminal dyshohet se organizoi vrasjen me eksploziv të Isuf Jacaj në Sarandë. Isuf Jacaj është babai i Klaus Jacaj, që ndihmoi Ramazan Jacaj të arratisej pasi plagosi në Sarandë në korrik të këtij viti, Ernest Lamën dhe Gëzim Hoxhajn, miq të ngushtë të Ervis Lamit.
Ervis Lami akuzohet po ashtu si pjesë e grupit kriminal që zhduku pa gjurmë Leonard Theodhorin dhe Fatmir Sulovarin alias Fatmir Krasniqin.
Ervis Lami ndihmoi Admir Tafilaj para disa vitesh të arratisej nga burgu.
Lami, 31-vjecar dyshohet se vë gjoba të majme biznesmenëve në vend.
Në Kamzë nga shpërthimi i tritolit në lokalin në pronësi të Saimir Sinës pati vetëm dëme materiale. Lokali iu ishte dhënë me qira dy kunetërve me të cilët Ervis Lami ishte në përplasje.
Të arrestuar për gjobëvënie:
Jeton Lami, 31 vjeç
Florin Domi, 30 vjeç
Flogert Mezhika, 34 vjeç
Në kërkim:
Ervis Lami, 31 vjeç
