Protesta Vlorë
Ashtu siç ishte paralajmëruar në rrjetet sociale, qindra qytetarë të Vlorës kanë zbritur sot në rrugë për të nderuar kujtimin e Leandro Shametajt, 17-vjeçarit që humbi jetën tragjikisht tre ditë më parë në një aksident rrugor.
Mes pjesëmarrësve ishin nxënës të gjimnazit “Ali Demi”, ku mësonte Leandro, si dhe qytetarë të shumtë që marshuan në heshtje për të kërkuar më shumë përgjegjshmëri dhe siguri në rrugët e qytetit.
Pjesëmarrësit ecën nga Xhamia e Plumbit në qendër të Vlorës deri pranë vendit ku ndodhi tragjedia, duke simbolizuar thirrjen e tyre për “jetë, jo humbje në rrugë”.
