Një automjet është djegur në fshatin Halil të Krujës, dyshohet se përdorej nga autorët e një atentati pranë Rinasit, ku një person humbi jetën dhe një tjetër u plagos rëndë.
Sipas informacioneve paraprake, persona ende të paidentifikuar qëlluan me armë zjarri nga një makinë Toyota me targa greke ndaj një automjeti tjetër. Viktima e atentatit është shtetasi Gilmando Dani, i cili kishte precedentë kriminalë. Plagosja ndodhi në të njëjtën ngjarje, ndërsa autori apo autorët u larguan me shpejtësi drejt Fushë-Krujës.
Ngjarja ndodhi vetëm 100 metra larg aeroportit të Rinasit, në një zonë të populluar dhe me trafik të lartë. Sipas hetimeve paraprake, autorët dyshohet se e ndoqën automjetin tip “Benz” për rreth 3 kilometra para se të hapnin zjarrin.
Forcat e Ndërhyrjes së Shpejtë dhe RENEA janë dërguar drejt Fushë-Krujës, në përpjekje për të kapur autorët e mundshëm.
