Lamine Yamal dhe Vedat Muriqi janë nominuar zyrtarisht për çmimin prestigjioz të “Lojtarit të Sezonit” në La Liga, pas paraqitjeve të shkëlqyera gjatë këtij edicioni.
Talenti 18-vjeçar i Barcelonës zhvilloi një sezon fantastik, duke realizuar 16 gola dhe 12 asistime në 28 ndeshje kampionale. Performanca e tij ishte vendimtare në rikthimin e Barcelonës te titulli kampion në Spanjë.
Në mesin e kandidatëve është edhe sulmuesi kosovar Vedat Muriqi, i cili spikati me fanellën e Mallorcës pavarësisht rënies së skuadrës nga La Liga. Muriqi e mbylli sezonin me 23 gola, duke u renditur ndër lojtarët më të dalluar të kampionatit dhe duke siguruar një nominim që konsiderohet arritje e madhe.
Në garë për çmimin janë edhe sulmuesi i Real Madridit, Kylian Mbappe, i cili u shpall golashënuesi më i mirë i La Ligës me 25 gola, mesfushori i Real Betisit Pablo Fornals dhe anësori i Villarrealit Nicolas Pepe.
Pesë futbollistët do të garojnë për çmimin individual më të rëndësishëm të sezonit në elitën e futbollit spanjoll.
