Vedat Muriqi ka reaguar me një mesazh emocional drejtuar tifozëve të Mallorcas, duke ndarë me ta zhgënjimin pas një përfundimi të vështirë të sezonit.
Sulmuesi i Kosovës thekson se në momente të tilla “fjalët peshojnë shumë”, pasi e ndjen dhimbjen njësoj si mbështetësit e klubit. Ai kujton se gjatë gjithë sezonit skuadra dhe tifozët kanë kaluar bashkë si momentet e bukura, ashtu edhe ato më të vështira, duke ruajtur gjithmonë lidhjen dhe besimin reciprok.
Muriqi vë në dukje edhe përgjegjësinë që ka ndjerë sa herë ka veshur fanellën e Mallorcës, duke e cilësuar mbështetjen e tifozëve si një forcë të rëndësishme në çdo ndeshje.
Letra e plotë e Muriqit:
Sot fjalët vërtet peshojnë shumë. Sepse dhimbjen dhe trishtimin që ndieni ju, i ndiej edhe unë në thellësi të zemrës sime.
Gjatë gjithë sezonit qeshëm së bashku, vuajtëm së bashku. Përjetuam momente të vështira, por kurrë nuk e humbëm besimin tek njëri-tjetri. Çdo herë që dola në fushë e ndjeva përgjegjësinë për ta mbrojtur këtë fanellë, dhe të ndieja mbështetjen tuaj pas meje më jepte gjithmonë forcë.
Futbolli ndonjëherë mund të jetë shumë i pamëshirshëm. Por kushdo që e njeh shpirtin e Mallorcës e di një gjë: ky klub gjithmonë ka ditur të ringrihet. Dhe unë besoj në këtë me gjithë zemër.
Sot jemi të trishtuar, të lënduar… por kjo stemë do të kthehet aty ku e meriton. Sepse historia e Mallorcës nuk është shkruar kurrë me dorëzim.
Faleminderit të gjithëve që ishit me ne në çdo moment.
