UEFA ka uruar Shqipërinë me rastin e 113-vjetorit të Pavarësisë. Përmes një postimi në rrjetet sociale, institucioni europian i futbollit vlerëson pasionin e vendit për këtë sport dhe rolin e tij në organizimin e aktiviteteve ndërkombëtare.
“Gëzuar Ditën Kombëtare, Shqipëri! Një komb i apasionuar pas futbollit, ju organizuat një U17EURO 2025 të paharrueshëm. Tani që po përgatitet të bashkëorganizojë U21EURO 2027 me Serbinë, Shqipëria është gati të shkëlqejë përsëri në skenën evropiane”, thuhet në urimin e UEFA-s.
Shqipëria aktualisht është në garë për kualifikimin në Kupën e Botës 2026, ku do të përballet fillimisht me Poloninë në gjysmëfinalet e Play Off dhe më pas me fituesen e çiftit Suedi–Ukrainë për një vend në Botëror.
