Shqipëria ka arritur një fitore historike ndaj Serbisë, duke triumfuar me rezultatin 1-0 falë golit të Rei Manajt. Ky sukses mban gjallë ëndrrën kuqezi për një vend në “Play Off”-in e Botërorit 2026, ndërkohë që situata në Grupin K mbetet ende e hapur. Pas këtij rezultati, Shqipëria e drejtuar nga Silvinjo numëron 4 pikë më shumë se Serbia, megjithëse ka zhvilluar një ndeshje më tepër. Lufta për vendin e dytë, që siguron pjesëmarrjen në fazën “Play Off”, do të vendoset përfundimisht në muajin nëntor.
Skuadra kuqezi do të luajë dy ndeshje të rëndësishme:
Andorrë – Shqipëri, në transfertë
Shqipëri – Angli, në “Air Albania”, që do të mbyllë ndeshjet e grupit
Ndërkohë, Serbia do të përballet më 14 tetor me Andorrën në transfertë, dhe më pas në nëntor do të zhvillojë dy ndeshje të tjera: një në transfertë dhe një në shtëpi, përballë Letonisë. Megjithëse Shqipëria është në avantazh, gjithçka mbetet për t’u vendosur në muajin e ardhshëm, megjithëse Serbia po kalon një periudhë të vështirë.
Trajneri Dragan Stojković ka dhënë dorëheqjen menjëherë pas ndeshjes dhe nuk do të udhëtojë me ekipin për sfidën e radhës ndaj Andorrës. Situata është përkeqësuar më tej, pasi për përballjen e ardhshme mungojnë pesë lojtarë të rëndësishëm:
Nikola Milenković, Luka Jović, Predrag Rajković, Andrija Živković, Dragan Rosić.
Këto mungesa, të kombinuara me ndryshimet në stafin teknik, e vendosin Serbinë në një pozitë tejet të vështirë për të mbajtur gjallë shpresat e kualifikimit
