Shqipëria luan sot përballë Gjibraltarit në transfertë ndeshjen e parë historike ndaj kësaj përfaqësueseje. Një ndeshje e cila në fakt shërben vetëm si test për të provuar gjërat për atë që është sfida e vërtetë, dueli ndaj Letonisë në kualifikueset e Botërorit.
Trajneri Silvinjo ka bërë të qartë që do të përdorte duelin në fjalë për t’u dhënë minuta disa lojtarëve që kishte parë më pak, por edhe për të provuar gjëra për ndeshjen e të martës, ku duket se është përqendruar i gjithë fokusi te grupi kuqezi.
Takimi i luajtur në Europa Point Stadium të Gjibraltarit, do të gjykohet nga treshja uellsiane Aaron Wyn Jones, Daniel Beckett, Harry Hendricks ndërsa i katërt do të jetë arbitri vendas.
Në portë debuton Dajsinani, ndërsa në mbrojtje është Hysaj, Kacurri, Kumbulla dhe Aliji. Në mesfushë janë vendosur Medon Berisha, Pajaziti dhe Bajrami, ndërsa treshja e sulmit përbëhet nga Broja, Daku dhe Asani.
