New England Patriots kanë nderuar legjendën e futbollit amerikan, Tom Brady, me një statujë gjigande të vendosur përpara stadiumit të tyre. I konsideruar si lojtari më i madh në historinë e NFL, Brady tashmë është “përjetësuar” në hyrje të “Gillette Stadium” në Foxborough, Massachusetts.
Shtatorja, e cila është e lartë 3.6 metra dhe e derdhur në bronz, u zbulua në një ceremoni të veçantë, duke shënuar një nga vlerësimet më të mëdha për ish-quarterback-un e famshëm. Në moshën 48-vjeçare, Brady mbetet një nga figurat më të dashura për tifozët e Patriots dhe sportit amerikan në tërësi.
Gjatë karrierës së tij me New England Patriots, ai fitoi gjashtë tituj “Super Bowl”, i fundit në vitin 2028, dhe luajti gjithashtu në tre finale të tjera të humbura. Përveç kësaj, Brady u shpall gjashtë herë lojtari më i mirë i sezonit në NFL, duke vendosur standarde të larta në sportin profesionist amerikan.
Kjo statujë simbolizon jo vetëm suksesin dhe lidershipin e tij në fushë, por edhe trashëgiminë e tij të jashtëzakonshme në historinë e futbollit amerikan.
