Manchester United po shqyrton seriozisht mundësinë e transferimit të Rafael LeAo nga AC Milan gjatë afatit kalimtar të verës.
“Djajtë e Kuq” synojnë të përforcojnë repartin ofensiv dhe e shohin 26-vjeçarin portugez si një nga objektivat kryesorë për sezonin e ardhshëm. Leao deri më tani ka zhvilluar 290 ndeshje zyrtare me Milanin, duke realizuar 80 gola dhe duke dhënë 65 asistime.
Sipas raportimeve nga Caught Offside, drejtuesit e Manchester United janë të vetëdijshëm se Milani nuk do ta lejojë lehtësisht largimin e yllit portugez, ndaj po përgatisin një ofertë që përfshin rreth 50 milionë euro plus një lojtar.
Në listën e futbollistëve që mund të përfshihen në marrëveshje përmenden Manuel Ugarte, Joshua Zirkzee dhe Marcus Rashford. Rashford aktualisht ndodhet në huazim te Barcelona, ndërsa klubi katalanas ende nuk ka vendosur nëse do ta aktivizojë opsionin e blerjes prej 30 milionë eurosh.
Përveç Manchester United, interesim për Leaon kanë shfaqur edhe Real Madrid, Bayern Munich, Arsenal dhe Liverpool, megjithëse asnjë prej tyre ende nuk ka bërë hapa konkretë për transferimin e portugezit.
