Kombëtarja shqiptare ka zhvilluar sot seancën zyrtare stërvitore në qendrën stërvitore në Malaga, në kuadër të miqësores kundër Gjibraltarit, që do të luhet më 4 shtator, ora 18:00, në stadiumin “Europa Point”.
Trajneri Silvinho ka punuar rreth një orë me gjithë grupin, duke u fokusuar në aspektet taktike. Në stërvitje është bashkuar edhe portieri Simon Simoni, ndërsa grupi aktual gëzon formë të mirë dhe nuk raportohet për dëmtime.
Pas Gjibraltarit, kuqezinjtë do të përballen me Letoninë më 9 shtator në “Air Albania”, në një ndeshje të vlefshme për kualifikueset e Botërorit 2026. Takimi nis në orën 20:45.
Biletat për sfidën ndaj Letonisë janë të disponueshme online në ebileta.al dhe në biletarinë pranë hyrjes qendrore të stadiumit “Air Albania”, e hapur çdo ditë nga ora 10:00 deri në 18:00.
