Është konfirmuar se ndeshja mes Serbisë dhe Shqipërisë, e planifikuar të zhvillohet në stadiumin “Rajko Mitić” të Crvena Zvezdës në Beograd, do të zhvendoset në një impiant tjetër. Kjo ndryshim vjen pas një kërkese zyrtare nga Federata Serbe e Futbollit, e cila u miratua edhe nga Federata Shqiptare e Futbollit dhe UEFA.
Stadiumi i ri do të jetë “Doçica” në Leskovac, një impiant i rikonstruktuar në vitin 2023, me kapacitet prej 8,000 vendesh, shumë më i vogël krahasuar me stadiumin fillestar në Beograd, i cili ka rreth 52,000 vende.
Ky vendim vjen pas ngjarjeve të fundit në ndeshjen kundër Anglisë, të cilat pritet të sjellin dënime të rënda, përfshirë zhvillimin e ndeshjes pa tifozë dhe gjoba të mëdha financiare. Përveç kësaj, shqetësimi për përsëritjen e incidenteve dhe vështirësitë në kontrollimin e tifozëve agresivë kanë bërë që organizatorët të kërkojnë që ndeshja të zhvillohet larg Beogradit.
