Zjarret masive në Gramsh vijojnë prej orësh: një viktimë, gjashtë të plagosur, digjet teqeja e Shemberdhenjës, banorët e katër fshatrave thirren për evakuim
Zjarret masive që kanë përfshirë zonat rurale në Gramsh vijojnë prej orësh. Një person ka humbur jetën, ndërsa flakët kanë përfshirë edhe teqen e Shemberdhenjës, një objekt me vlerë të veçantë historike dhe shpirtërore për komunitetin.
Nga Gramshi, burimet konfirmojnë se aktualisht gjashtë persona ndodhen të shtruar në spital si pasojë e dëmtimeve të marra nga zjarri, ndërsa gjendja e tyre po monitorohet nga mjekët. Skënder Brataj thotë se gjendja e tyre është e qëndrueshme.
Ministria e Mbrojtjes ka bërë apel për evakuimin e menjëhershëm të banorëve në katër fshatra: Kullollas, Bletëz, Menkollarë dhe një zonë tjetër të afërt, duke kërkuar bashkëpunim të plotë me autoritetet për të garantuar sigurinë e jetës së njerëzve.
