Një banesë është përfshirë nga flakët mëngjesin e sotëm në qendër të Elbasanit, duke shkaktuar panik te banorët e zonës. Ngjarja ka ndodhur rreth orës 08:05, në zonën e njohur si “Kryqëzimi i 1 Majit”, ku sipas informacioneve paraprake, zjarri ka shpërthyer brenda një banese private.
Menjëherë pas njoftimit, në vendngjarje kanë mbërritur forcat zjarrfikëse, të cilat po punojnë për izolimin dhe shuarjen e flakëve, me qëllim parandalimin e përhapjes së zjarrit në banesat përreth.
Deri më tani nuk dihen shkaqet e rënies së zjarrit, ndërsa nuk ka ende informacion zyrtar për persona të lënduar.
