Qyteti bregdetar i Vlorës do të përballet sërish me mungesë të furnizimit me ujë të pijshëm. Shkak janë punimet e planifikuara në rrjet nga Ujësjellës Kanalizime Rajoni Vlorë, në kuadër të zbatimit të projektit të ri të ujësjellësit për qytetin.
Sipas njoftimit zyrtar, ditën e martë, më 24 shkurt, do të kryhet stakimi i detyruar i stacionit kryesor, për shkak të punimeve për lidhjen e nyjeve të rrjetit të ri me atë ekzistues.
Si pasojë e ndërhyrjes, do të ndërpritet furnizimi me ujë në zonat:
“Uji i Ftohtë”
“Lungomare”
“10 Korriku”
“Kalaja”
“Jonufra”
Ndërkohë, pjesa tjetër e qytetit do të mbetet pa ujë vetëm gjatë orarit të pasdites.
