Ngjarja e ndodhur në fshatin Rëmbec të Maliqit, e raportuar fillimisht si një aksident i shkaktuar nga goditja e kalit, ka marrë një tjetër rrjedhë hetimi. Vdekja e 58-vjeçarit Jorgo Ajredini ka ngritur dyshime të forta për skenar kriminal, pas pretendimeve të familjarëve të tij, të cilët mohojnë versionin e aksidentit dhe akuzojnë se viktima është goditur nga një bashkëfshatar me të cilin kishte pasur konflikt. Ajredini u gjet më 13 gusht pranë fushës së sportit të fshatit, në një kanal, me plagë të shumta në kokë, të lokalizuara në ballë dhe pas veshëve. Fillimisht u raportua se ishte goditur nga kali, por familjarët këmbëngulin se plagët e tij nuk përputhen me këtë version. Sipas deklarimeve të tyre, pak çaste para se të humbiste ndjenjat, 58-vjeçari ka thënë se ishte goditur nga një person nga Pogradeci, të cilin e ka përshkruar si “një i shkurtër”. Vëllai i viktimës dëshmoi se, ndërsa Ajredini ishte ende i vetëdijshëm në spital, ai kishte pohuar se nuk ishte goditur nga kali, por nga një person tjetër. Familjarët kanë ngritur edhe një pistë tjetër hetimi, duke pohuar se viktima kishte pasur konflikt të mëparshëm për motive familjare me një banor të fshatit, që i kishte marrë bashkëshorten dhe që, sipas tyre, e kishte goditur me sëpatë rreth një vit e gjysmë më parë. Pas plagosjes, Ajredini u transportua fillimisht në spitalin e Korçës dhe më pas në Tiranë për trajtim më të specializuar. Ai qëndroi për 15 ditë në koma, ndërsa mjekët raportuan se ishte në gjendje shumë të rëndë. Pas disa përmirësimeve të përkohshme, gjendja e tij u rëndua sërish, duke sjellë vdekjen më 7 shtator 2025.
Policia dhe Prokuroria e Korçës kanë hapur hetim të plotë për të sqaruar rrethanat e vdekjes. Deri më tani janë shoqëruar dhe pyetur rreth 15 persona, përfshirë familjarë dhe banorë të fshatit Rëmbec. Që në momentin e ngjarjes, autoritetet kanë sekuestruar kamerat e sigurisë të vendosura në zonë, të cilat tashmë po administrohen dhe ekzaminohen nga ekspertët. Grupi i përbashkët hetimor, i përbërë nga Policia e Shtetit dhe Prokuroria e Korçës, është aktualisht në pritje të raportit përfundimtar mjeko-ligjor, i cili pritet të përcaktojë nëse vdekja e Jorgo Ajredinit ka qenë aksidentale apo është pasojë e një akti kriminal. Familjarët e viktimës kërkojnë zbardhjen e plotë të ngjarjes dhe ndëshkimin e autorit, duke këmbëngulur se: “Nuk e ka goditur kali, 1000%. Dua të vërtetën. Policia s’ka bërë asgjë deri tani.”
Momenti kur Rakip Gila, pasi kryen masakrën me dy viktima dhe dy të plagosur, kërcënon me armë drejtuesin e një automjeti, me të cilën tenton arratisjen.
Momenti kur Rakip Gila, pasi kryen masakrën me dy viktima dhe dy të plagosur, kërcënon me armë drejtuesin e një automjeti, me të cilën tenton arratisjen.
Pas operacionit të zhvilluar sot në Elbasan, 30 personat e arrestuar janë nisur me autobus drejt qelive të paraburgimit në Tiranë.
Ata do të qëndrojnë aty deri në përfundim të hetimeve.
Pas operacionit të zhvilluar sot në Elbasan, 30 personat e arrestuar janë nisur me autobus drejt qelive të paraburgimit në Tiranë.
Ata do të qëndrojnë aty deri në përfundim të hetimeve.
?Kryeministri i Spanjës shpall embargo të plotë armësh ndaj Izraelit dhe e cilëson sulmet ndaj palestinezëve si ‘gjenocid’
"Ajo që po bën Izraeli nuk është vetëmbrojtje," por "shfarosje e një populli të pambrojtur dhe shkelje e ligjeve të së drejtës humanitare." Kryeministri spanjoll, Pedro Sánchez, ka njoftuar sanksione të reja për të frenuar “gjenocidin” që po ndodh në Gaza. Ky hap i ri (jo një ndryshim drejtimi, duke marrë parasysh rolin që luan Spanja në dënimin e veprimeve të Izraelit) është si në aspektin narrativ — tani edhe qeveria spanjolle flet hapur për “gjenocid” — ashtu edhe në aspektin praktik, me kreun e qeverisë që ka njoftuar miratimin e afërt të një dekreti që formalizon atë që në praktikë ishte në zbatim prej kohësh: embargo të plotë për blerjen dhe shitjen e armëve me Izraelin. Përveç kësaj, lideri socialist ka shpallur edhe tetë masa të tjera.
Ndërhyrja e Sánchez filloi duke kujtuar “vuajtjen” e popullit hebre, Holokaustin dhe “persekutimet” ndaj tij gjatë historisë, duke ritheksuar gjithashtu dënimin ndaj Hamasit. Por “me të njëjtën bindje, qeveria e Spanjës beson se një gjë është të mbrosh vendin tënd dhe një tjetër, krejt ndryshe, është të bombardosh spitale dhe të vrasësh nga uria fëmijë të pafajshëm. Kjo” — shtoi ai gjatë një konference për shtyp në Moncloa, parlamentin e Madridit — “është një sulm i pajustifikueshëm kundër popullsisë civile, të cilin raportuesi i Kombeve të Bashkuara e përkufizon si gjenocid. 60 mijë të vdekur, dy milionë të zhvendosur nga shtëpitë e tyre, gjysma prej të cilëve fëmijë.”
Më pas ai kritikoi hezitimin e disa vendeve evropiane, si Italia, të cilat ende nuk kanë vendosur embargo për armët apo nuk janë shprehur në favor të njohjes së shtetit të Palestinës, një propozim që Madridi e ka përqafuar i pari në Evropë: “Fuqi të mëdha përfundojnë të bllokuara mes indiferencës dhe bashkëfajësisë.”
?Kryeministri i Spanjës shpall embargo të plotë armësh ndaj Izraelit dhe e cilëson sulmet ndaj palestinezëve si ‘gjenocid’
"Ajo që po bën Izraeli nuk është vetëmbrojtje," por "shfarosje e një populli të pambrojtur dhe shkelje e ligjeve të së drejtës humanitare." Kryeministri spanjoll, Pedro Sánchez, ka njoftuar sanksione të reja për të frenuar “gjenocidin” që po ndodh në Gaza. Ky hap i ri (jo një ndryshim drejtimi, duke marrë parasysh rolin që luan Spanja në dënimin e veprimeve të Izraelit) është si në aspektin narrativ — tani edhe qeveria spanjolle flet hapur për “gjenocid” — ashtu edhe në aspektin praktik, me kreun e qeverisë që ka njoftuar miratimin e afërt të një dekreti që formalizon atë që në praktikë ishte në zbatim prej kohësh: embargo të plotë për blerjen dhe shitjen e armëve me Izraelin. Përveç kësaj, lideri socialist ka shpallur edhe tetë masa të tjera.
Ndërhyrja e Sánchez filloi duke kujtuar “vuajtjen” e popullit hebre, Holokaustin dhe “persekutimet” ndaj tij gjatë historisë, duke ritheksuar gjithashtu dënimin ndaj Hamasit. Por “me të njëjtën bindje, qeveria e Spanjës beson se një gjë është të mbrosh vendin tënd dhe një tjetër, krejt ndryshe, është të bombardosh spitale dhe të vrasësh nga uria fëmijë të pafajshëm. Kjo” — shtoi ai gjatë një konference për shtyp në Moncloa, parlamentin e Madridit — “është një sulm i pajustifikueshëm kundër popullsisë civile, të cilin raportuesi i Kombeve të Bashkuara e përkufizon si gjenocid. 60 mijë të vdekur, dy milionë të zhvendosur nga shtëpitë e tyre, gjysma prej të cilëve fëmijë.”
Më pas ai kritikoi hezitimin e disa vendeve evropiane, si Italia, të cilat ende nuk kanë vendosur embargo për armët apo nuk janë shprehur në favor të njohjes së shtetit të Palestinës, një propozim që Madridi e ka përqafuar i pari në Evropë: “Fuqi të mëdha përfundojnë të bllokuara mes indiferencës dhe bashkëfajësisë.”
Një masiv pyjor në zonën e Bushtricës, Kukës, u përfshi nga flakët mesditën e sotme. Për shuarjen e zjarrit u angazhuan rreth 60 punonjës nga shërbimi zjarrfikës i bashkisë Kukës, administrata e pyjeve, shërbimet publike dhe policia bashkiake, të mbështetur edhe nga grupe vullnetarësh.
Burime bëjnë të ditur se terreni i vështirë nuk ka lejuar ndërhyrjen me automjete zjarrfikëse, megjithatë punonjësit në terren po vijojnë punën intensive për izolimin e vatrës.
Një masiv pyjor në zonën e Bushtricës, Kukës, u përfshi nga flakët mesditën e sotme. Për shuarjen e zjarrit u angazhuan rreth 60 punonjës nga shërbimi zjarrfikës i bashkisë Kukës, administrata e pyjeve, shërbimet publike dhe policia bashkiake, të mbështetur edhe nga grupe vullnetarësh.
Burime bëjnë të ditur se terreni i vështirë nuk ka lejuar ndërhyrjen me automjete zjarrfikëse, megjithatë punonjësit në terren po vijojnë punën intensive për izolimin e vatrës.
