Mëngjesi i së premtes e ka gjetur detin në zonën e plazhit të vjetër dhe në Zvërnec, të tërhequr pas. Një pjesë e rërës poshtë tij ka dal në sipërfaqe, duke dhuruar një imazh të veçantë. Ky fenomen njihet si zbaticë dhe ndodh si pasojë e forcës tërheqëse të Hënës.
Ekspertët shpjegojnë se ndikimi i Diellit gjithashtu mund të shkaktojë zbaticë, por për shkak të largësisë së madhe, roli i tij është më i vogël krahasuar me atë të Hënës.
Baticat dhe zbaticat janë lëkundje ritmike vertikale të ujit të detit, të njohura ndryshe si faza të detit, të cilat formojnë ritmin natyror të nivelit të ujit në të gjitha detet dhe oqeanet e botës.
