Albion Rexhepi një shqiptar nga Maqedonia e Veriut është një nga inxhinierët që po kontribuon në misionin e Artemis II, hap i radhës i NASAS-s drejt rikthimit të njeriut në hënë. Rexhepi thotë se kompania në të cilën ai po punon, merret që prej vitit 2022 me këtë projekt. Ai thotë së ndihet krenar por dhe flet për përgjegjësitë e jashtëzakonshme të kësaj pune.
‘Ndjehem shumë krenar të jem pjesë e një projekti si Artemis II. Kompania ime që prej vitit 2022 investon tek ky projekt, ne merremi. Ccdo projekt i nasës ka shumë vlerë për ne por sidomos Artemis II ku investohen jo vetëm shume vite por dhe miliarda dollarë, prandaj ndjehem shumë krenar me pjesëmarrjen në këtë projekt. Ne prodhojmë kompjuter shumë të mëdhenj, të cilat përdoren në fazën e zhvillimit të produkteve për Artemis II. Këto teste duhet të jenë shumë të sakta dhe ne investojmë ndër vite në produktet tona, që të jenë sa më të sakta dhe sa më të sigurta, sepse kuptohet që janë jetët e astronautëve’.
Albion Rexhepi thotë që ka studiuar në Maqedoni dhe ka një mesazh se me shkollim, me mund dhe me punë mund të arrish kudo.
