Banesa e familjes Gjinaj në njësinë administrative Baz, Bashkia Mat, është shembur sot në orët e para të mëngjesit si pasojë e rrëshqitjes së tokës. Fatmirësisht, nuk raportohet për persona të lënduar.
Familjarët bëjnë apel për ndihmë, teksa tashmë janë mbetur pa strehë. Ata tregojnë se shqetësimin për rrëshqitjet e tokës e kishin ngritur që 10 vite më parë, por situata është përsëritur disa herë gjatë viteve, duke rrezikuar banesat e tyre.
