Rrëshqitjet e dherave kanë bllokuar plotësisht aksin rrugor Gramsh–Kukur, pas reshjeve të dendura të shiut në zonë.
Sipas raportimeve, në segmentin problematik “Përroi i Pishave”, një kamion i ngarkuar me mallra ushqimore ka mbetur i bllokuar në buzë të rrugës, duke rrezikuar të rrëshqasë në greminë. Si pasojë, qarkullimi në këtë aks është ndërprerë plotësisht.
Banorët e zonës kërkojnë ndërhyrje urgjente nga autoritetet për stabilizimin e terrenit dhe hapjen e rrugës, e cila shërben për furnizimin e njësisë administrative Kukur.
