Sot pasdite dhe gjatë ditës së nesërme, priten reshje mesatare deri lokalisht intensive në qarqet Shkodër, Vlorë dhe Gjirokastër. Në qarqet e tjera reshjet do të jenë të dobëta deri lokalisht mesatare dhe mund të shoqërohen me shtrëngata. Në Veri, Lindje dhe Juglindje, në lartësitë mbi 900 metra mbi nivelin e detit, reshjet do të jenë në formë dëbore.
Shtrëngatat dhe intensiteti i lartë i reshjeve mund të shkaktojnë rrëshqitje gurësh, inertesh dhe vërshime të ujit në zona urbane, sidomos në qarqet Shkodër, Vlorë dhe Gjirokastër, në varësi të sistemit të kanalizimeve.
Temperaturat për ditën e nesërme (e hënë, 26 janar) priten:
Në bregdet: 8–14 °C
Në vendet e ulëta: 3–13 °C
Në vendet malore: 1–8 °C
Era pritet të fryjë mesatare deri e fortë kryesisht në bregdet dhe në zonat malore.
Autoritetet këshillojnë kujdes të shtuar gjatë lëvizjeve në rrugë dhe zonat e përmbytshme, si dhe të shmangen aktivitetet në zona malore gjatë shtrëngatave.
