Çdo reshje shiu e kthen zonën përreth spitalit Onkologjik, në QSUT, në një terren të pakalueshëm për pacientët dhe familjarët e tyre.
Balta dhe pellgjet me ujë mbulojnë hyrje-daljet dhe trotuaret, duke e bërë thuajse të pamundur kalimin normal, veçanërisht për personat me probleme shëndetësore të rënda.
Pacientë që përballen çdo ditë me sfidën e sëmundjes, detyrohen të kërcejnë mbi pellgje, të ecin në baltë apo të kërkojnë rrugë alternative për të hyrë në ambientet e spitalit.
Situata rëndohet edhe më shumë për të moshuarit apo ata që lëvizin me karrocë. Në një institucion kaq të rëndësishëm shëndetësor, kushtet bazë të aksesit nuk duhet të jenë luks, por standard.
Koha me shi nuk duhet të kthehet në pengesë për ata që kërkojnë shërim.
