Policia e Shtetit rrethoi këtë mëngjes televizionin News 24 dhe ndaloi gazetarët të hynin në vendin e punës, pasi godina me VKM do t’i kalojë shoqërisë Kayo të prodhimit të armëve.
Akti i ndërprerjes së sinjalit të transmetimit është brutal dhe i paprecedentë dhe cenim i lirisë së medias. Avokatura e Shtetit u kujdes të propagandonte se News 24 e ka humbur gjyqin për godinën. E vërteta është se 3 gjyqtarë të Gjykatës Administrative të Apelit kanë prishur vendimin e shkallës së parë, duke detyruar Focus Media të lirojë godinën, por vetëm në një pjesë të saj.
Vendimi mban datën 15 korrik 2025, pra më pak se një muaj. Kohë kjo e pamjaftueshme për të transferuar një televizion që nga regjija, studiot, etj. Ndërhyrja e beftë, kur gazetarët janë shumica me pushime, në ditë pushimi zyrtar, tregon më së paku një hakmarrje personale.
Ndërsa në një vend normal ka abuzim me detyrën për ata që drejtojnë këtë aksion. Media nuk është godina. Godina do bëhet pallate më vonë. Sot ju duhet të heshtin një media.
