Sot një vit më parë Martin Cani, 14-vjeçar u vra me thikë vetëm pak metra nga shkolla Fan Noli në Tiranë. Shoku i tij Luisi mbeti i plagosur. Sot prindërit e Martinit, shokë dhe shoqe të tij si dhe aktivistë të shoqërisë civile janë mbledhur në një protestë-homazh.
Të pranishmit mbajnë ne duar pankarta "1 vit pa Martinin" dhe kërkojnë drejtësi. Prindërit e Martinit thanë se kanë kërkuar që palestrës së shkollës ti vihet emri i djalit të tyre, por kanë marrë përgjigje negative. Familja ka kërkuar po ashtu që në shkollë të vendoset një stol me emrin e Martinit në kujtim te tij.
Aktivistët ngritën sërish cështjen e sigurisë në shkolla.
Dje prokuroria e Tiranës kërkoi dënimin me 25 vite burgim per autorin e dyshuar të vrasjes Mario Përlleshaj. Vrasja e Martinit dhe plagosja e shokut të tij u pasua me protesta të forta.
