Një peshkaqen i llojit të njohur si “Derr” është kapur sot në mëngjes në rrjetat e peshkatarëve të Radhimës. Specia, me gjatësi rreth 1.3 metra dhe peshë 35 kilogramë, u transportua menjëherë në Qendrën e Peshkimit në Radhimë, ku biologët pritet të kryejnë matjet dhe vlerësimet e nevojshme, para se ta lirojnë përsëri në det.
Sipas specialistëve, ky peshkaqen është një ngjarje e rrallë për ujërat shqiptare, pasi zakonisht jeton në thellësi. Mendohet se ai mund të ketë humbur orientimin, gjë që e ka çuar në zona më të cekëta. Ekspertët theksojnë se kjo specie nuk paraqet rrezik për njerëzit.
